39. Ofmetin ljósapera

Gvöð! Mikið gasalega er þetta frumlegt hjá henni Yoko. Alveg bara mergjaður heiður að þessi rosalega hæfileikalíki listamaður, sem hefur hlotið frægð eingöngu fyrir sakir eigin verðleika, skuli láta Íslendinga borga fyrir ofur-listræna ljósaperu.

 

...Eitthvað er það við hana Yoko Ono sem fer í mínar allrafínustu.

 

Hvurnin var það annars með ljóskastarana sem var komið upp í New York á sökkli tvíburaturnanna? Ef ég man rétt var eftir alltsaman ekki hægt að hafa kveikt á þeim nema örfáa daga á ári, og þá stutta stund í senn, að sögn vegna þess að ljósið raskaði rútínunni hjá farfuglum eða eitthvað álíka.

-Ætli Ono-ram peran verði kannski eftir allt saman höfð slökkt lungað úr árinu vegna fuglalífsins í borginni?

 

Og svo er það hitt. Yoko er svo tíðrætt um hvað ísland er æðisleg a hreint og ómengað -en eiga svona ljósvarpanir nokkuð að sjást í tæru lofti? Þarf ekki birtan að endurkastast af sótögnum til að njóta sín? Verður ljóssúlan þá ósýnileg, eða aðeins til að lýsa upp mengunina? (leiðr. menninguna)

 

Annars heyrðist þessi ósmekklegi brandari um daginn:

Hvað er gult, ljótt og sefur eitt síns liðs?

 ...og gettu nú!

Mánuður þar til friðarsúlan verður afhjúpuð

Athugasemdir

[Guðmundur Ólafsson (IP-tala skráð) 13.9.2007 kl. 02:13]

Ég ætla nú rétt að vona það, enda alveg fáránlegt að hafa kveikt á þessu á sumrin þegar það er birta allan sólarhringinn.

Þetta hlýtur, eðlilega, bara að vera í gangi á veturna þegar farfuglarnir eru annarsstaðar.

[Já nei nei (IP-tala skráð) 13.9.2007 kl. 03:28]

já það er rétt hjá  bloggsérfræðingi númer eitt.....ljós myndi ekki sjást nema það væri til mengun.....þess vegna varð ljósið til í heiminum herra bloggsérfræðingur númer eitt.....vegna endurkasts sótagna í andúmslofti okkar mannvera.

[ViceRoy, 13.9.2007 kl. 04:54]

Sammála Já nei nei... Ísland er í myrkri 7-8 mánuði ársins en þa hlýtur að vera mengun drengur minn...þess vegna er myrkur á Íslandi yfir veturna, því Íslendingar keyra mest þá! 

Þú ert bjartur drengur svona í hið minnsta 

[Promotor Fidei, 15.9.2007 kl. 16:38]

Alltént... 

Það er í hæsta máta grunsamlegt hvað Yoko Ono er gert hátt undir höfði hér á Íslandi.

Hún er nefnilega ekkert svo æðislega spennandi listamaður. Hún er kannski ekki með öllu smekklaus, en virðist heldur betur ofmetin fyrir það sem hún gerir.

Man einver eftir sláandi æðislegu verki eftir Yoko Ono í fljótu bragði? 

-Og ég er ekki einn um þessa skoðun, blessunarlega, og er þessi síðameðal þeirra sem koma í ljós við fljóta google leit. Í sumum kreðsum er Yoko jafnvel úthrópuð sem mikið frat, lítið annað en fratlistamaður sem nær að tóra í sviðsljósinu fyrst og síðast fyrir frægð Jóns Lennons. 

Meðal fyrstu myndaniðurstaða með verkum yoko er þessi brjálæðislega flotti stigi, og þetta klikkaðslega listræna epli.

Yoko hannar ekki einusinni viðeyjar-ljóskastarann æðislega sjálf, heldur fær Árni Páll Jóhannsson að gera það, sbr. þessa frétt.

-Hún fékk bara "hugmyndina". Vá, æði.

Súlan kemur til með að kosta, skv frétt frá október 2006, heilar 15 milljónir króna. Og hver borgar reikninginn? Jú, það er Orkuveitan í Reykjavík! -Við!

Nú er fólki auðvitað frjálst að smjaðra fyrir ófrumlega listamanninum Yoko Ono eins og þeim lystir, og alveg guðvelkomið að kaupa af henni ljóskastara á 15 milljónir -en það er annað mál þegar okrandi almannaþjónustufyrirtæki í opinberri eigu fer að borga fyrir smjaðrið með peningunum okkar.

Mín kenning er sú að líklega eru það gamlir bítla-aðdáendur, með Lennon nostalgíu, sem sitja í stjórnum þeirra opinberu stofnana, sem bjóða Yoko hingað til lands með fríu lúxus-uppihaldi til, að fá að borða snittur í návígi við fyrrum hjásvæfu goðsins þeirra, og halda ekki vatni yfir hugdettum hennar.

Væri það allt gott og blessað, ef reikningurinn fyrir vitleysunni væri ekki á endanum greiddur úr vösum landsmanna. 

[Promotor Fidei, 16.9.2007 kl. 04:34]

Hjartans Jóna, sem lest bloggkrílið mitt svo vel,

Ég verð að játa að mér finnst agalega skemmtilegt hobbý að fjargviðrast yfir svona málum.

En í sjálfu sér er það umræðuefni sem vel á rétt á sér -og meira en það- þegar stjórnir ríkisfyrirtækja smjaðra óbeðnar fyrir og borga margmilljónir undir frekar innistæðulausan hype-listamann.

Er kannski Yoko vefarinn, orkuveitan þá keisarinn, og ég  krakkaormurinn, kverúlantinn, sem ljær máls á því að nýu fötin (sem voru borguð með almannafé), eru ekki það sem keisarinn lét telja sér trú um.

Er ekki eitthvað til í því hjá mér að þetta Yoko æði er svolítið vafasamt -bæði almannafjármunalega og listrænt séð?

[Nói Blomsterberg (IP-tala skráð) 22.9.2007 kl. 13:53]

Ekki drulla yfir hvíta stigann maður....