42. Vonandi síðasta fréttin sem Mogginn birtir um þennan hræsnara

Þá er fallinn frá frelsarinn ódrepanlegi, Sri Chinmoy.

Farið hefur fé betra

 

Chinmoy er maður sem hefur beitt stórkostlegum blekkingum til að gefa falska mynd af sjálfum sér, og með skipulegum hætti náð að skrapa til sín költ-fylgjendum.

Persónudýrkun Chinmoy-söfnuðarins byggir á alveg hreint geypilegum lygum, sem eru svo stórar að ótrúlegt er að nokkur maður taki á þeim mark.

Ekki dettur manni í hug nein þau störf sem Chinmoy hefur unnið, sem hafa stuðlað sérstaklega að heimsfriði, og ef hann er sagður hafa gert eitthvað, þá má gjaldfella það um 99,9% vegna þess hversu öll hans "afrek" eru ýkt.

Chinmoy hefur ítrekað verið sakaður um kynferðislega misnotkun fylgismanna sinna.

Fróðlegt er að lesa allgóða úttekt á Vantrú.is um þennan mann, sem við erum nú laus við.

 

Að þorri Alþingismanna skyldi tilnefna þenann költ-skrumara til virtustu mannúðarverðlauna heims er til háborinnar skammar, bæði fyrir þing og þjóð.

Hefði mátt tilnefna marga betri.

 

Þeir eru annars fjöldamargir, þessir sjálfskipuðu friðarpolstular sem tala svo blíðlega og hafa alveg einstakan uppljómunarsvip á sér. Þetta lið týnir til ýmis ýkt og ímynduð afrek, sem koma yfirleitt yfirvarps-boðskap þeirra ekkert við. Þetta er lið sem nær að plokka til handa sér ýmsa titla sem hljóma vel -þannig hafði Chinmoy náð að klína sér utan í starf Sameinuðu Þjóðanna. Með þessum titlum nær uppljómað pakkið svo að smeygja sér inn á kontór á Bessastöðum, þar sem ljósmyndari er alltaf til taks.

Og af þessu öllu saman hafa þessar friðar- og mannúðarhetjur mikinn persónulegan ávinning. Nefna má "Móður" Teresu, Gandhi, og meintan Dalai Lama sem dæmi um slíka hræsnara.  Smá leit á Youtube leiðir t.d. í ljós mjög skemmtilega umfjöllun samfélagsrýnanna Penn og Teller um þessar þrjár "mannúðarhetjur".

Hér er brot af umjöllun um kerlingarnornina Móður Teresu

Sri Chinmoy látinn