44. Er þá mark á þeim takandi?

Fréttakríli Mbl.is vekur upp spurningar um það mikla gap sem er á milli kyn[lífs]reynslu karla og kvenna.

Fyrst 10% kvenna (12% skv. sumum rannsóknum) hafa aldrei fengið fullnægingu, -hversu margar hafa þá örsjaldan fengið fullnægingu? Hversu margar konur standa í raun jafnfætis meðalkarlmanninum þegar kemur að þekkingu og upplifun á eigin líkama og löngunum?

Hversu mikið skilur á milli í kynvitundarþroska strákanna, sem eru byrjaðir að rúnka sér daglega -og oftar ef þeir hafa tækifæri til- um leið og þeir hafa vit á, á meðan stelpurnar virðast upp til hópa varla þora að koma nærri pjásunni á sér?

 

Getur verið að þessi gjá skýri t.d. þann mikla kynbundna mun sem er á viðhorfum (eins og sést á Moggablogginu) til kynferðismála, s.s. vændis og kláms?

Má þá spyrja hvort mark sé takandi á konum í slíkri umræðu, ef þær eru upp til hópa margfalt mikið verr að sér um eigin kynvitund en karlarnir?

Er kannski ekki við öðru að búast en að sá sem vart hefur nartað í forboðna ávöxtinn sé með mjög svo háfleygar og heilagar hugmyndir um kynhegðun annarra?

 

Vænið mig ekki um karlrembu og fordóma fyrir þessi skrif. Færið frekar fyrir því rök ef ég er að draga rangar ályktanir af þeim staðreyndum sem ég sé.

Þætti mér fátt betra en ef hægt væri að rétta af þennan kynbundna mun (og þá n.b. ekki með því að setja kynjakvóta á sjálfsfróun)

Fá aldrei fullnægingu

Athugasemdir

[Ellý, 25.10.2007 kl. 05:19]

Góður punktur, held reyndar að flestar stelpur sem fá ekki fullnægingu njóta samt kynlífs af öðrum ástæðum (tilfinningalegum svo og líkamlegum).

Veit reyndar um alveg helling af köllum sem eru óttalegar teprur varðandi kynlíf þannig að þetta eru ekki bara konur sem eru með háfleygar og heilagar hugmyndir um kynhegðun annarra. Taktu bara alla homma-hatarana til dæmis, það er nú gott dæmi um að skipta sér af kynhegðun!

Annars er ég persónulega á báðum áttum varðandi vændi. Fyndist það bara hið besta mál (elsta starfsgreinin) ef skuggahliðarnar væru ekki svona stórar og dökkar.