56. Faðirinn fundinn?

Þetta er undarleg frétt hjá 24 stundum, eða alltént að fréttin er ekki nema hálf-unnin.

Ég stóðst nefnilega ekki mátið að gera það sem blaðamaðurinn hefði átt að gera, og slá inn "Einar" og "fisk*" í símaskránni á netinu, og komu þá í ljós nöfn tveggja manna, annar fiskeldisfræðingur og hinn fiskifræðingur.

Smá fálm á Google leiddi í ljós að fiskeldisfræðingurinn er á svipuðum aldri og Hollendingurinn, en fiskfræðingurinn hefur verið tvítugur þegar Robert Einar kemur í heiminn

Svo sló ég inn nafn fiskifræðingsins í gagnasafni Moggans, og viti menn ef hann hefur ekki skrifað nokkrar greinar, og svei mér þá ef hafa ekki birst af honum myndir með greinunum -og jahérna hér ef þeir eru ekki með sama nef, munn, og hökulínu, hollendingurinn og fiskifræðingurinn.

 

Svona er lítið mál að njósna um fólk á netinu, og hefði verið gaman að sjá blaðamann 24 gera slíkt hið sama, þó ekki væri nema til að láta fylgja með í klausu ef augljósustu kandidatar reyndust ekki eiga neitt í honum Roberti Einari. 

Ég læt vera að birta nöfn og myndir hérna, en mig grunar að margir hafi freistast til að gera samskonar leit og ég, til að svala smáborgaralegri forvitninni. Það er kannski rétt að gera ríka kröfu tli blaðamanna, á tímum netsnuðrara, þegar fjallað er um mál af þessu tagi, að rannsaka málið nánar og taka af allan vafa í greinum sínum svo að kjaftaskar og slúðrarar taki sig ekki til að spá og spekúlera um faðernið.

Annars er þetta svo lítið mál fyrir hann Róbert: að hringja í LÍN og fá að vita hverjir voru í fiskeldisnámi í Gautaborg árið 1964. -Málið leyst.

Hollendingur leitar að íslenskum föður sínum

Athugasemdir

[K Zeta, 5.12.2007 kl. 18:15]

Þetta er vel af sér vikið og feðgarnir eiga eftir að ver þér ævinlega þakklátir.  Vantar ekki fólk einsog þig í Lögregluna?

[Pálmi H, 6.12.2007 kl. 06:28]

Ég prófaði líka Google. Fann þar Fiskeldisfræðing, sem var 30 ára á þessum tíma. Aðrir yngri.

Annara finnst mér þetta vera ótímabær frétt. Blm. hefði átt að vinna betur að undirbúningi og ekki birta fréttina, fyrr en sá fyrir lausn málsins.

Varðandi LÍN: Var sú stofnun til á þessum tíma?